Pakistan Steel Mills 12

پارلیمانی کمیٹی نے اسٹیل ملز بحالی پلان بنانے کا حکم دیدیا

اسلام آباد: وفاقی حکومت نے پاکستان اسٹیل کی بحالی کیلیے پرائیویٹ سیکٹر کی تجویز پر نیا پلان بنانے کا فیصلہ کیا ہے جس کیلیے قومی اسمبلی کی قائمہ کمیٹی برائے صنعت و پیداوار نے وزارت صنعت و پیداوار کو نیا بحالی پلان بنانے کی ہدایت بھی کر دی ہے.
قومی اسمبلی کی قائمہ کمیٹی میں پرائیویٹ سیکٹر میں اسٹیل مل لگانے والے پروجیکٹ ڈائریکٹرضیغم عادل رضوی نے کہاکہ پاکستان اسٹیل کی بحالی کے ساتھ پیداوار میںبھی اضافہ کیا جا سکتا ہے تاہم اس کیلیے جدید طرز کا کونارک پلانٹ لگایا کیا جائے، انہوں نے بتایا کہ یہ دنیا میں نئی ٹیکنالوجی ہے جس سے اسٹیل ملز کی سالانہ پیداواری استعدادکار 1.1 ملین ٹن سے بڑھ کر 2.2 ملین ٹن ہو جائیگی اور مل خسارے سے نکل کر منافع میں چلی جائیگی جب کہ روز گار کے نئے مواقع بھی پیدا ہوں گے،
دوسری جانب اسٹیل مل میں یہ پلانٹ لگانے کیلیے جگہ بھی موجود ہے جس پر قائمہ کمیٹی کے چیئرمین اسد عمر نے سیکریٹری وزارت صنعت و پیداوار اور اسٹیل مل حکام کو ہدایت کی کہ مجوزہ ٹیکنالوجی کے تحت اسٹیل ملز کی بحالی کا نیا پلان بنا کر کمیٹی میں پیش کیا جائے کہ کیا یہ منصوبہ قابل عمل ہے۔
واضح رہے کہ پرائیویٹ سیکٹر کی جانب سے حکومت کو اسٹیل ملز کی بحالی کیلیے کونارک (CONARC) پلانٹ لگانے کی تجویز دی گئی ہے جس پر 25ارب روپے لاگت کا تخمینہ ہے۔
بشکریہ ایکسپریس نیوز

اس خبر پر اپنی رائے کا اظہار کریں

اپنا تبصرہ بھیجیں