Yemen: Bombings of Saudi Allies, killed 35 people, 80 injured 15

یمن: سعودی اتحادی طیاروں کی صنعا میں بمباری، 35 افراد ہلاک، 80 زخمی

صنعائ(فارن ڈیسک)سعودی اتحادی طیاروں نے یمن کے دارالحکومت صنعا میں حوثی باغیوں کے زیرِ قبضہ ایک قید خانے کو نشانہ بنایا۔ حملے میں 35 افراد ہلاک اور 80 سے زائد زخمی ہو گئے۔غیر ملکی میڈیا کے مطابق سعودی اتحادی طیاروں نے مشرقی صنعاء میں حوثی باغیوں کے زیرِ قبضہ ایک قید خانے کو نشانہ بنایا۔ جنگی طیاروں نے جیل پر اس وقت بمباری کی جب وہاں 180 کے قریب قیدی موجود تھے۔ حکام کے مطابق جنگی طیاروں کے پہلے حملے میں جیل کا ایک حصے تباہ ہوا جبکہ قیدیوں کے فرار ہونے کے دوران مزید بمباری کی گئی۔ حوثی باغیوں کے نشریاتی ادارے کا کہنا ہے کہ سعودی اتحاد کی بمباری میں 35 قیدی ہلاک اور 80 سے زائد افراد زخمی ہو گئے۔ حملے میں درجنوں کاریں اور عمارتیں بھی تباہ ہو گئیں۔واضح رہے کہ عرب اتحاد نے سابق یمنی صدر علی عبداللہ صالح کے باغیوں کے ہاتھوں ہلاکت کے بعد حوثیوں کے خلاف کارروائیاں تیز کر دی ہیں
بشکریہ ڈیلی حریف نیوز

اس خبر پر اپنی رائے کا اظہار کریں

اپنا تبصرہ بھیجیں