آج سے 20 جولائی تک پنجاب میں شدید بارشوں کا امکان
لاہور: آج سے 20جولائی تک پنجاب میں مون سون بارشوں کا امکان ہے۔
ترجمان پی ڈی ایم اے کے مطابق پنجاب کے بیشتر اضلاع میں تیز ہواؤں کے ساتھ شدید بارش ہو سکتی ہے۔
جنوبی پنجاب کے بیشتر اضلاع میں 17 سے 19 جولائی تک آندھی اور تیز بارش کا امکان ہے۔ بارشوں سے گرمی اور حبس کی شدت میں کمی آئے گی۔
پی ڈی ایم اے کے ترجمان کا مزید کہنا ہے کہ بارشوں سے ندی، نالے بپھر سکتے ہیں۔ بڑے شہروں کی انتظامیہ الرٹ رہے اور پیشگی انتظامات مکمل کرے۔
پیپلزپارٹی کسی سیاسی جماعت پر پابندی کے حق میں نہیں، وزیراعلیٰ سندھ
طوفان سے بجلی کے کھمبوں اور سولر پلیٹوں کو نقصان پہنچ سکتا ہے۔ موسم کی صورتحال سے متعلق الرٹ جاری کردیا گیا ہے۔ متعلقہ محکمے الرٹ رہیں۔
نشیبی علاقوں سے پانی کی نکاسی کو جلد از جلد یقینی بنایا جائے۔ پی ڈی ایم اے کنٹرول روم 24 گھنٹے موسم کی صورتحال پر نظر رکھے ہوئے ہے۔
عوام سے درخواست ہے کہ حکومتی ہدایات پر عملدرآمد یقینی بنائیں۔
