فواد خان کیساتھ پراجیکٹ کیلئے فلمسازوں سے بات چیت جاری ہے، میرا
پاکستانی فلم اسٹار میرا نے مداحوں کو بتا دیا کہ وہ کب عالمی شہرت یافتہ اداکار فواد خان کے ساتھ کام کرنے والی ہیں۔
حال ہی میں اداکارہ میرا نے اپنی نئی آنے والی فلم ‘امراؤ جان ادا’ کے سیٹ پر صحافیوں سے گفتگو کی جہاں اُنہوں نے اپنی فلم سمیت مختلف سوالات کے جواب دیے۔
دورانِ گفتگو صحافی نے میرا سے پوچھا کہ کیا وہ اداکار فواد خان کے ساتھ کسی پراجیکٹ میں کام کریں گی؟ جس پر اداکارہ نے کہا کہ فواد خان کے ساتھ کام کرنے کے لیے کئی فلمسازوں سے بات چیت چل رہی ہے
مائیکل جیکسن پر موت کے وقت 500 ملین ڈالر قرضہ تھا، رپورٹ میں انکشاف
لیکن ابھی تک کچھ بھی فائنل نہیں ہوسکا کیونکہ حتمی فیصلہ تو کاسٹنگ ڈائریکٹر ہی کریں گے۔ا
داکارہ نے ماہرہ خان سے متعلق پوچھے گئے سوال پر کہا کہ میں چاہتی ہوں کہ ماہرہ خان ‘امراؤ جان ادا’ کے گانے میں جلوہ گر ہوں۔
اُنہوں نے مہوش حیات کے بارے میں کہا کہ مہوش کے ساتھ میری بہت اچھی دوستی ہے اور وہ مجھ سے بہت پیار بھی کرتی ہیں۔
میرا نے مزید کہا کہ فلم ‘باجی’ میں مہوش حیات نے بہت اچھا کام کیا تھا، وہ میری بہترین ساتھی اداکارہ ہیں۔
Fawad Khan News in Urdu.Showbiz News in Urdu.Meera’s New Venture: Working with Fawad Khan?
