اداکارہ سجل علی بھارت میں گھر بنانے کی خو اہاں
لاہور (آواز نیوز) پاکستان شوبز انڈسٹری کی خوبرو اور بین الاقوامی ایوارڈ یافتہ اداکارہ سجل علی نے بھارت میں گھر بنانے کی خواہش کا اظہار کردیا۔
دبئی میں منعقدہ ایوارڈ شو فلم فیئر مڈل ایسٹ اچیورز نائٹ میں مختلف ممالک سے فنکاروں کی بڑی تعداد نے شرکت کی،اس موقع پر پاکستانی فنکاروں نے بھی ملک کا نام روشن کیا۔
ہندوستان ٹائمز کی رپورٹ کے مطابق سجل علی سے پاکستان کے علاوہ کسی اور ملک میں گھر بنانے کے حوالے سوال کیا گیا۔
سندھ ہائی کورٹ نے فلم جوائے لینڈ کیخلاف درخواست مسترد کر دی
تو انہوں نے جواب دیا کہ ہندوستان میں کیوں نہیں ہوسکتا؟ بھارت میں بھی ہوسکتا ہے اور دبئی میں بھی۔انہوں نے کہا کہ یہ ایک ایسی تقریب ہے جہاں ہمیں موقع ملتا ہے کہ ہم بالی ووڈ فنکاروں سے ملاقات کریں۔
جیسے جھانوی کپور، گووندا سر اور رنویر سنگھ یہاں موجود ہیں، ہم ملکی سفارتی تعلقات کے باعث دور ضرور ہیں لیکن ہمارے دل ایک ساتھ ہی دھڑکتے ہیں۔
دوسری جانب جہاں سجل علی کو اس ایوارڈ شو میں رنویر سنگھ کےساتھ سیلفی لینے پر شدید تنقید کا نشانہ بنایا جا رہا ہے وہیں جھانوی کپور کے سجل کے حوالے سے جذبات کو خوب سراہا بھی جا رہا ہے۔
