Category: کشمیر

سرینگر 29 جنوری (کے ایم ایس) بھارت کے غیر قانونی زیر قبضہ جموں و کشمیر میں بدنام زمانہ بھارتی تحقیقاتی ادارے” نیشنل انویسٹی گیشن ایجنسی“(این آئی اے )کے اہلکاروں نے آج سری نگر میں کل جماعتی حریت کانفرنس کے دفتر کو باضابطہ طور پر ضبط کر لیا۔

کشمیر میڈیا سروس کے مطابق این آئی اے کی ٹیم سری نگر کے علاقے راج باغ پہنچی اور دفتر ضبط کرلیا۔ نئی دلی کی ایک عدالت نے کل جماعتی حریت کانفرنس کے خلاف درج ایک پرانے جھوٹے مقدمے میں چند روز قبل اسکے دفتر کو ضبط کرنے کے احکامات دیے تھے۔

کل جماعتی حریت کانفرنس کے ترجمان نے سرینگر میں جاری ایک بیان میں اپنے دفتر کوضبط کیے جانے کی شدید مذمت کی۔ ترجمان نے کہا کہ کل جماعتی حریت کانفرنس ایک سیاسی فورم ہے اور اس کا دفتر عوامی ملکیت ہے۔

جسے فسطائی مودی حکومت نے سفاک بھارتی فوجیوں کے ہاتھوں کشمیریوں پر ہونے والے مظالم کو اجاگر کرنے کی پاداش میں ضبط کر لیا۔

ترجمان نے دفتر کو ضبط کرنے اور کشمیریوں کو انکی املاک سے بے دخل کرنے کی مہم کو مقامی آبادی کو مکمل طورپر بے اختیار کرنے کی بی جے پی کی ہندو توا حکومت کی مذموم کارروائی قرار دیا۔

دریں اثناجموں خطے کے ضلع ادھم پور میں انسداد تجاوزات مہم کے نام پر کشمیریوں کو اپنی اراضی و دیگر املاک سے بے دخل کیے جانے کے خلاف احتجاجی مظاہرہ کیا گیا۔

جموں شہر میں بھی مشن سٹیٹ ہڈ جموں کشمیر کے صدر سنیل ڈمپل کی قیادت میں اسی طرح کا مظاہرہ کیا گیا۔ مظاہرین نے سڑک بلاک کر دی اور پراپرٹی ٹیکس ، زمینوں کی بے دخلی کے نوٹس واپس لینے اور کشمیریوں کے حقوق کی بحالی کا مطالبہ کیا۔

پبلک ہیلتھ انجینئرنگ کے کارکنوں نے بھی اپنے مطالبات کے حق میں جموں میں احتجاجی مظاہرہ کیا۔مظاہرے کے باعث سڑک پر تقریباً تین گھنٹے تک ٹریفک کی آمد ورفت معطل رہی ۔

کل جماعتی حریت کانفرنس آزاد جموں کشمیر نے اسلام آباد میں ایک بیان میں سری نگر میں کل جماعتی حریت کانفرنس کے دفتر کوسیل کیے جانے کی مذمت کرتے ہوئے کہا کہ بھارت کی” کینگرو عدالتیں “کشمیری عوام پر ہندوتوا نواز فیصلے مسلط کر رہی ہیں۔

جموں کی عدالت نے یاسین ملک کوگواہ پر جرح کے حق سے محروم کر دیا

جو اس بات کا واضح ثبوت ہے کہ یہ عدالتیں مودی کی فسطائی حکومت کی مکمل طورپر تابع مہمل بن کر رہ گئی ہیں ۔

Latest Kashmir News in Urdu | Jammu Kashmir Urdu News | Jammu Kashmir: حریت راج باغ کا دفتر ہوگا سیل | Hurriyat Office | Rajbagh | News18 Urdu

سرینگر29جنور ی (کے ایم ایس )انڈین نیشنل کانگریس کے رہنما او ر رکن بھارتی پارلیمنٹ راہول گاندھی نے کہا ہے کہ اگر وادی کشمیر میں حالات واقعی بہتر ہیں تو وزیر داخلہ امیت شاہ جموں سے وادی کا سفر کر کے دیکھے۔

کشمیر میڈیاسروس کے مطابق راہول گاندھی نے جنکی بھارت جوڑو یاترا مقبوضہ جموںوکشمیر کے گرمائی دارلحکومت سرینگر میں آج اختتام کو پہنچی ایک پریس کانفرنس سے خطاب میں کہا کہ حکمراں جماعت بی جے پی نے عوام میں اختلافات پیدا کیے ہیںجبکہ میری اترا نے نفرت کو ختم کیا ہے ۔

جموں کی عدالت نے یاسین ملک کوگواہ پر جرح کے حق سے محروم کر دیا

انہوں نے کہا کہ بھارت کے پاس دو راستے نفرت یا محبت کے ہیں اور یہ لوگوں پر منحصر ہے کہ وہ کونسا راستہ اختیار کر لیے ہیں۔

راہول گاندھی نے مذکورہ یاترا کا آغاز گزشتہ برس ستمبر میں تامل ناڈو کے شہر کنیا کماری سے کیا تھا ۔

Rahul Gandhi News in Urdu | Daily Srinagar News in Urdu | Kashmir News :Rahul Gandhi Ne Amit Shah Ko Nishane ar Liya | Rahul Gandhi | Amit Shah | News18

اسلام آباد29جنوری(کے ایم ایس)کل جماعتی حریت کانفرنس کی آزادجموں وکشمیر شاخ نے مقبوضہ جموں و کشمیر میں ایک نام نہاد عدالتی حکم پر کل جماعتی حریت کانفرنس کے مرکزی دفترکو ضبط کرنے کی شدید مذمت کی ہے۔

کشمیرمیڈیا سروس کے مطابق کل جماعتی حریت کانفرنس کی آزادجموں وکشمیر شاخ کے کنوینر محمود احمد ساغر نے اسلام آباد میں جاری ایک بیان میںسرینگر میں حریت دفتر کو ضبط کرنے کی مذمت کرتے ہوئے کہاکہ کشمیری بھارتی قبضے اور آر ایس ایس اور بی جے پی کے ہندوتوا اور کشمیردشمن ایجنڈے کا بھرپور مقابلہ کریں گے۔

انہوں نے کہاکہ کل جماعتی حریت کانفرنس کشمیریوں کے جذبات اور خواہشات کی ترجمانی کرنے والا ایک پلیٹ فارم ہے جو اقوام متحدہ کی قراردادوں پر عملدرآمد کا مطالبہ کرتا ہے۔

انہوں نے اقوام متحدہ پر زور دیا کہ وہ مودی حکومت کو اس طرح کے ظالمانہ اور غیر جمہوری اقدامات سے روکے۔انہوں نے حکومت پاکستان پر زور دیا کہ وہ مقبوضہ جموں وکشمیرپر بھارتی تسلط اور کشمیریوں پر مظالم کو ختم کرانے کے لئے اقوام متحدہ اور عالمی طاقتوں کو آمادہ کرے۔

کل جماعتی حریت کانفرنس کی آزادجموں وکشمیر شاخ کے جنرل سیکریٹری شیخ عبدالمتین نے کہا کہ کشمیر ایک متنازعہ علاقہ ہے اور بھارت کی کینگرو عدالتیں متنازعہ علاقے میں کشمیریوں پر اپنے فیصلے مسلط نہیں کرسکتیں۔

انہونے کہا کہ بھارت اپنی کینگرو عدالتوں کا استعمال کرکے کشمیریوںکو اپنی جائز جدوجہد سے دستبردار ہونے پر مجبورنہیں کرسکتا۔انہوں نے کہاکہ جموں وکشمیر ایک متنازعہ علاقہ ہے اوربھارت اپنی فوجی طاقت کے ذریعے اس پر غیرقانونی طور قابض ہے ۔

انہوں نے کہاکہ حریت کانفرنس کشمیریوں کے حقوق کے لئے پرامن جدوجہدکررہی ہے اوربھارت اس طرح کے غیر قانونی اور غیر جمہوری اقدامات سے کشمیری عوام کے دلوں سے جذبہ آزادی کو ختم نہیں کرسکتا۔

انہوں نے کہاکہ بھارت نے مقبوضہ جموں و کشمیرمیں اسرائیلی طرز کی کارروائیاں شروع کرکے کشمیریوں کے تمام بنیادی حقوق سلب کررکھے ہیں اور بھارتی کینگرو عدالتوں کے یہ فیصلے بھی ان ہی کارروائیوں کا حصہ ہیں۔

یاسین ملک ایک اور جھوٹے مقدمے میں سزا پانے کے بعد نئی دلی کی تہاڑ جیل میں نظر بند ہیں

انہوں نے کہا کہ حریت کانفرنس بھارت کے ان ظالمانہ ،غیرقانونی اور غیرانسانی ہتھکنڈوں سے مرعوب نہیں ہوگی بلکہ ڈٹ کر مقابلہ کرکے اپنی جدوجہد کو منزل کے حصول تک جاری رکھے گی ۔

دریں اثناءکل جماعتی حریت کانفرنس کی آزادکشمیر شاخ کے رہنماﺅںمحمد فاروق رحمانی اورزاہد اشرف نے بھی اپنے بیانات میں مقبوضہ جموں وکشمیر میں حریت دفتر کو ضبط کرنے کی شدید مذمت کی ہے۔

انہوں نے اقوام متحدہ سے مطالبہ کیا کہ وہ مودی حکومت کی اس متعصبانہ اور انتقامی کارروائی کافوری نوٹس لے۔

All Party Hurriyat Conference office in Srinagar Urdu News | NIA Big Action On Hurriyat Live : हुर्रियत पर हुए तगड़े एक्शन के बाद हड़कंप| Breaking News | Kashmir

سرینگر29جنوری(کے ایم ایس)کانگریس کے رہنما جے رام رمیش نے کہا ہے کہ جموں و کشمیر میں جمہوری عمل اور ریاستی حیثیت کی بحالی کانگریس کی اولین ترجیح ہے۔

کشمیر میڈیاسروس کے مطابق جے رام رمیش نے سرینگر میں ایک نیوز کانفرنس سے خطاب کرتے ہوئے کہا کہ بھارت جوڑو یاترا سیاسی جماعتوں کے درمیان اتحاد کے لئے نہیں ہے۔

اس کا انتخابات اور دیگر متعلقہ عمل سے کوئی تعلق نہیں ہے۔انہوں نے کہاکہ یاترا کا مقصد 2024کے لیے ایک پلیٹ فارم فراہم کرنا ہے۔

کشمیری جمعرات کو بھارت کے یوم جمہوریہ کو یوم سیاہ کے طورپر منائیں گے

انہوں نے کہا کہ یاترا جموں اورکشمیر کے پانچ پانچ اضلاع میں منعقد کی گئی جبکہ ایک اہم اور اختتامی تقریب بھی منعقد کی جائے گی۔

Latest Kashmir News in Urdu | Srinagar Breaking News Today | Jammu and Kashmir Statehood will be restored, PM Modi to meet J&K leaders – Polity Current Affairs

ممبئی 29جنوری (کے ایم ایس) بھارتی ریاست مہاراشٹر میں بی جے پی کی حکومت نے ایک اور مسلم دشمن اقدام کرتے ہوئے ایک معروف باغ اور کھیل کے میدان سے ریاست میسور کے مسلمان حکمران ٹیپو سلطان کا نام ہٹانے کا حکم دیا ہے۔

کشمیرمیڈیا سروس کے مطابق یہ اعلان کرتے ہوئے بھارتیہ جنتا پارٹی کے وزیر ایم پی۔ لودھا نے کہا کہ یہ فیصلہ حال ہی میں کلکٹر کے ساتھ میٹنگ میں لیا گیا تھا۔

انہوں نے کہاکہ آخرکار حق کی فتح ہوئی! ساکل ہندو سماج کے احتجاج اور بی جے پی کے رکن پارلیمنٹ گوپال شیٹی کے مطالبات پر غور کرنے کے بعد ملاڈ کے پارک سے ٹیپو سلطان کا نام ہٹانے کا حکم دیا۔

انہوں نے کہا کہ گزشتہ سال ڈی پی ڈی سی میٹنگ میں سابق ایم وی اے حکومت نے پارک کا نام ٹیپو سلطان کے نام پر رکھنے کا فیصلہ کیا تھا اور بی جے پی نے اس اقدام پر احتجاج کیا تھا۔

وزیر نے کہاکہ ٹیپو سلطان کا نام ہٹانے کے بعدریاست کے وزیر اعلیٰ ایکناتھ شندے اور نائب وزیر اعلیٰ دیویندر فڈنویس کی حکومت نے ابھی تک یہ فیصلہ نہیں کیاکہ اس کا نیانام کیا رکھنا ہے۔

سابق ایم وی اے وزیر اسلم شیخ نے پارک کی از سر نو تعمیر کی تھی جس میں مقامی لوگوں کے لیے کھیلوں سمیت بہت سی سہولیات فراہم کی گئی تھیں اور اسے جنوری 2022میں بی ایم سی انتخابات سے قبل”شہید ٹیپو سلطان پلے گرانڈ“کا نام دیا گیا تھا۔

سلطان فتح علی ٹیپونے (1751-1799) جو”’ٹیپو سلطان“کے نام سے مشہور تھے، 1782سے لے کر چوتھی اینگلو میسور جنگ (1798-1799)میں اپنی شہادت تک میسور سلطنت پر حکومت کی۔

BJP News in Urdu | Tipu Sultan Name Remove News in Urdu | Tipu Sultans Name From Removed Malad Garden After Mumbai Guardian Minister Orders District Collector

سرینگر29جنوری(کے ایم ایس)دہلی کی ایک عدالت کی طرف سے راجباغ سرینگر میں کل جماعتی حریت کانفرنس کے دفتر کو ضبط کرنے کے حکم کے ایک دن بعد اتوار کو بھارتی تحقیقاتی ادارے این آئی اے کے اہلکاروںنے حریت دفتر کو باضابطہ طورپرضبط کرلیا۔

کشمیرمیڈیا سروس کے مطابق ایک سرکاری عہدیدارنے سرینگر میں صحافیوں کو بتایاکہ این آئی اے کی ٹیم راجباغ پہنچی اور کل جماعتی حریت کانفرنس کے دفتر کو سیل کردیا۔

قبل ازیں ہفتے کے روز نئی دہلی کی ایک عدالت کے ایڈیشنل سیشن جج شیلیندر ملک نے غیر منقولہ جائیداد یعنی کل جماعتی حریت کانفرنس کے دفتر کی عمارت کو ضبط کرنے کا حکم دیاتھا۔

کانگریس پارٹی مقبوضہ کشمیر کی ریاستی شناخت کی بحالی کیلئے ہر ممکن کوشش کریگی: رائل گاندھی

عدالت نے کہا تھا کہ غیر قانونی سرگرمیوں کی روک تھام کا قانون 1967کسی بھی طرح سے جائیداد کو ضبط کرنے کے عدالتی اختیارات میں رکاوٹ نہیں بنتا ۔

تاہم عدالت نے کہا کہ ضبطی کا یہ مطلب نہیں کہ اس پراپرٹی کے بارے میں مقدمے سے پہلے کوئی فیصلہ کیاگیاہے۔

این آئی اے نے راج باغ سرینگر میں واقع کل جماعتی حریت کانفرنس کے دفتر کی عمارت کو ضبط کرانے کے لئے عدالت میں ایک درخواست دائر کی تھی۔

All Party Hurriyat Conference in Srinagar News in Urdu | LIVE: National flag hoisting | Lal Chowk Srinagar | Jammu and Kashmir|Bharat Jodo Yatra |News18 Urdu

جموں کشمیر (آواز نیوز) غیر قانونی طور پر بھارت کے زیر قبضہ جموں و کشمیر میں جموں کی ایک خصوصی عدالت نے جموں و کشمیر لبریشن فرنٹ کے غیر قانونی طورپر نظربند چیئرمین محمد یاسین ملک کے خلاف 1990میں درج کئے گئے۔

کانگریس پارٹی مقبوضہ کشمیر کی ریاستی شناخت کی بحالی کیلئے ہر ممکن کوشش کریگی: رائل گاندھی

ایک جھوٹے مقدمے کے ایک اہم گواہ پر جرح کے حق کو ختم کر دیا ہے ۔ عدالت نے یاسین ملک کی طرف سے بھارتی فضائیہ کے چاراہلکار وں کے قتل سے متعلق جھوٹے مقدمے میں اہم گواہ پر ویڈیوکانفرسنگ کے ذریعے جرح کرنے سے انکار کے بعد حریت رہنماء کا یہ حق ختم کر دیا ہے۔

Yasin Malik Latest News in Urdu | Kashmir News in Urdu | Kashmir News | Jammu Ki Special TADA Court Mein Yasin Malik Case Ki Huwi Sunwai | News18 Urdu

جموں کشمیر(آواز نیوز) کانگریس پارٹی کے رہنما راہول گاندھی نے کہا ہے کہ ان کی پارٹی غیر قانونی طور پر بھارت کے زیر قبضہ جموں و کشمیر کی ریاستی شناخت کی بحالی کے لیے ہرممکن کوشش کریگی ۔

 کشمیر میڈیا سروس کے مطابق راہول گاندھی نے جموں کے ستواری چوک میں ایک عوامی اجتماع سے خطاب کرتے ہوئے کہاکہ مقبوضہ کشمیرمیں بے  روزگاری بہت زیادہ ہے۔

انہوں نے کہاکہ کانگریس پارٹی کشمیریوں کی اور انکی ریاستی حیثیت کی مکمل حمایت کرتی ہے۔ راہل گاندھی نے کہا کہ ریاستی شناخت کی بحالی کیلئے کانگریس پارٹی اپنی پوری طاقت استعمال کرے گی۔

انہوں نے کہا کہ انہوں نے اپنی یاترا کے دوران مقبوضہ علاقے کے عوام سے بات کی اور انہوں سے ان کے مسائل کے بارے میں معلوم کیا۔

جنوبی وزیرستان،سیکیورٹی فورسز کی کارروائی میں 11دہشت گرد ہلاک

راہل گاندھی نے کہا کہ کشمیریوں نے انہیں بتایا کہ قابض حکام ان کی  بات نہیں سن رہے ہیں اورمقبوضہ علاقے سے بیرونی لوگوں کو تجارت کی اجازت ہے اور کشمیری عوام بے بسی سے انہیں دیکھ رہے ہیں ۔

Royal Gandhi News in Urdu | Latest Kashmir News in Urdu | Bharat Jodo Yatra LIVE: Rahul Gandhi Yatra Today | Congress | Jammu Kashmir | Anantnag | Banihal

آواز نیوز(کشمیر نیوز) کشمیر میڈیا سروس کے مطابق محمد یاسین ملک نے جو کہ ایک اور جھوٹے مقدمے میں سزا پانے کے بعد نئی دلی کی تہاڑ جیل میں نظربند ہیں، جموں کی عدالت میں خود پیش ہو کر مقدمے کے گواہان پر جرح کرنے کا مطالبہ کر رہے ہیں۔انہیں ویڈیو کانفرنسنگ کے ذریعے عدالت میں پیش کیاگیا ۔

بھارت نے مقبوضہ کشمیر کو جیل میں تبدیل کردیا ہے، جہاں موت کا رقص جاری ہے ،مشعال ملک

 سینئر ایڈیشنل ایڈوکیٹ جنرل اور سی بی آئی کے وکیل مونیکا کوہلی نے صحافیوںکو بتایا کہ عدالت نے یاسین ملک سے مقدمے کے اہم گواہ وی کے شرما سے جرح کرنے کے بارے میں دریافت کیا۔ انہوں نے انکار کرتے ہوئے اپنے موقف دہرایا کہ وہ عدالت میں پیش ہو کر شرما سوالات کرناچاہتے ہیں ۔  جس کے بعد عدالت نے یاسین ملک کا گوا ہ پر جرح کا حق ختم کر دیا ۔ کوہلی نے عدالت کو بتایا کہ بھارتی وزارت داخلہ نے گزشتہ سال 22دسمبرکو محمد یاسین ملک کے ایک سال کے لیے تہاڑ جیل سے باہر جانے پر پابندی کا حکم جاری کیا تھا۔یاسین ملک کے خلا ف اس مقدمے کے علاوہ چھ اور مقدمات میں فرد جرم عائد کی گئی ہے ۔ سی بی آئی نے یاسین ملک کے خلاف جموں کی ٹاڈا عدالت میںفرد جرم عائد کرنے کے  20سال بعد 2020 میں ان کے خلاف الزامات عائد کیے تھے۔سی بی آئی کے مطابق، بعض نامعلوم مسلح افراد نے بھارتی فضائیہ کے اہلکاروں پر فائرنگ کرکے چاراہلکاروںکو ہلاک اور متعد کو زخمی کردیاتھا۔KMS-03/Y

Malik Yaseen News in Urdu | Kashmir News in Urdu.https://www.youtube.com/watch?v=0P3mV3rEEJs

سرینگر (آواز نیوز) کنٹرول لائن کے دونوں جانب اور دنیا بھر میں مقیم کشمیری 26جنوری بروز جمعرات کو بھارت کے یوم جمہوریہ کو یوم سیاہ کے طورپرمنائیں گے جس کا مقصد بھارت کی طرف سے کشمیریوں کے حق خود ارادیت سے مسلسل انکار کے خلاف اپنا احتجاج ریکارڈ کرانا ہے۔

کشمیرمیڈیاسروس کے مطابق یوم سیاہ منانے کی اپیل کل جماعتی حریت کانفرنس نے دی ہے ۔اس دن مقبوضہ کشمیرمیں یوم سیاہ منایا جائے گااور آزاد کشمیر ، پاکستان اورمختلف ممالک کے دارلحکومتوں میں بھارت مخالف مظاہرے اور ریلیاں نکالی جائیں گی تاکہ عالمی برادری کو یہ پیغام دیا جاسکے کہ بھارت جس نے کشمیریوں کے تمام بنیادی حقوق سلب کر رکھے ہیں اوراسے مقبوضہ علاقے میں اپنا یوم جمہوریہ منانے کا کوئی حق حاصل نہیں ہے ۔

مقبوضہ کشمیر : حالات معمول پر آنے کے مودی حکومت کے دعوﺅں پر کڑی تنقید

صدائے مظلومین ، جموں وکشمیر ڈیموکریٹک موومنٹ ، تحریک آزاد ی جموں وکشمیر، جموں وکشمیر لبریشن الائنس ، جموں وکشمیر پولیٹیکل ریزسٹنس موومنٹ اور یوتھ فریڈم فائٹرزنے اپنے بیانات ، پیغامات اور پوسٹروں کے ذریعے سرینگر اور وادی کشمیر کے دیگر علاقوں کے کشمیری عوام سے بھارتی یوم جمہوریہ کی سرکاری تقاریب کا بائیکاٹ کرنے اور اپنے گھروں ، دکانوں اور دیگر عمارتوں پر سیاہ جھنڈے لہرانے کی اپیل کی ہے ۔ اس حوالے سے مقبوضہ کشمیر کے مختلف علاقوں میںگزشتہ ایک ہفتے سے مسلسل پوسٹر آویزاں کئے جارہے ہیں ۔

ادھرکل جماعتی حریت کانفرنس نے ایک بیان میں پورے مقبوضہ علاقے میں سول کرفیو نافذ کرنے کی اپیل کال دوہرائی ہے ۔ بیان میںخوف و دہشت کا ماحول قائم کرنے ،ظلم و تشدد ، محاصرے اور تلاشی کی جاری کارروائیوں، جبری گرفتاریوں اور کاروبار اور سماجی سرگرمیوں پر قدغن عائد کرنے پر بھارتی حکومت کو کڑی تنقید کا نشانہ بنایا گیا ہے ۔غیر قانونی طورپر نظر بند سینئر حریت رہنما شبیر احمد شاہ کی قیادت میں جموں و کشمیر ڈیموکریٹک فریڈم پارٹی نے بھی دنیا بھر میں مقیم کشمیریوں سے بھارتی یوم جمہوریہ کو یوم سیاہ کے طور پر منانے کی اپیل کی ہے ۔ ڈی ایف پی نے کہا کہ بھارت نے کشمیر میں قتل عام اور بڑے پیمانے پر تباہی میں ملوث ہے اور اس نے لاکھوں کشمیریوں کو بندوق کی نوک پر یرغمال بنانے کے علاوہ انہیں ان کے تمام بنیادی حقوق سے محروم بھی کررکھا ہے لہذا  اسے اپنا یوم جمہوریہ منانے کا کوئی حق حاصل نہیں ہے ۔تحریک حریت جموں و کشمیر اور جموں و کشمیر پیپلز لیگ سمیت دیگر حریت تنظیموں نے کہا کہ مقبوضہ کشمیر میں لاکھوں کی تعداد میں بھارتی فوجیوں کی تعیناتی غیر قانونی اور غیر آئینی ہے اور بین الاقوامی قانون کی صریحا خلاف ورزی ہے۔ KMS-04/Y

India Independence Day in Urdu | Latest Kashmir News in Urdu.https://www.youtube.com/watch?v=w5QkT92Fj8Y