آریان خان منشیات کیس کی انویسٹیگیشن میں بے ضابطگیوں کا انکشاف

ممبئی (آوازنیوز)بھارت کے نارکوٹکس کنٹرول بیورو (این سی بی) کی خصوصی تحقیقاتی ٹیم نے انکشاف کیا ہے کہ بالی وڈ اسٹار شاہ رخ خان کے بیٹے آریان خان اور دیگر کے خلاف بنائے گئے کارڈیلا کروز منشیات کیس کی انویسٹیگیشن میں کئی بے ضابطگیاں سامنے آئی ہیں۔

این سی بی کی جانب سے 18 اکتوبر کو جمع کروائی گئی ایک خصوصی انٹرنل رپورٹ میں تحقیقاتی ٹیم نے انکشاف کیا ہے کہ آریان خان کیس میں براہ راست انویسٹیگیشن کرنے والے 7 سے 8 افسران کا طرز عمل مشکوک پایا گیا ہے۔

خصوصی تحقیقاتی ٹیم کی جانب سے جمع کروائی گئی رپورٹ میں بتایا گیا ہے کہ تحقیقاتی ٹیم کی جانب سے کیس کے 65 گواہوں کے بیانات قلمبند کیے گئے

ساتھ ہی کیس پر کام کرنے والے افسران اور ان کے اہل خانہ کے مالی معاملات کی تفصیل کا بھی جائزہ لیا گیا، اس دوران کچھ افسران نے اپنے بیان تبدیل کر دیے۔

رنویر سنگھ نے دپیکا پڈوکو ن کو طلاق دیدی

این سی بی کی خصوصی ٹیم کی جانب سے جمع کروائی گئی انٹرنل تحقیقاتی رپورٹ میں کیس کی انویسٹیگیشن کے دوران پائی جانے والی خرابیوں کی نشاندہی کرتے ہوئے کہا گیا ہے کہ کارڈیلا کروز منشیات کیس کی تحیقیقات کرنے والے 7 سے 8 افسران کا کردار مشکوک ہے جس پر ان کے خلاف اعلیٰ حکام کی اجازت سے ادارتی کارروائی شروع کر دی گئی ہے۔

واضح رہے کہ کارڈیلا کروز منشیات کے ہائی پروفائل کیس میں آریان خان کے بری ہونے کے بعد ادارے کی ساکھ دائو پر لگ گئی تھی جس پر این سی بی کی جانب سے بالی وڈ اسٹار شاہ رخ خان کے بیٹے آریان خان پر لگائے گئے سنگین الزامات کی تحقیقات کیلئے خصوصی کمیٹی تشکیل دی گئی تھی۔

کارڈیلا کروز منشیات کیس میں آریان خان ایک مہینہ جیل میں رہنے کے بعد اکتوبر 2021 میں ضمانت پر رہا ہوئے تھے بعد ازاں مئی 2022 میں انہیں مقدمے سے بری قرار دیتے ہوئے کلین چٹ دی گئی تھی۔

Aryan Khan Munshiyat Case News in Urdu | Bollywood News | "Many Irregularities In Aryan Khan Case,” Says Anti-Drugs Agency In Report