فیروز خان کی دوسری اہلیہ کا اصل نام اور پیشہ سامنے آگیا

کراچی: پاکستانی شوبز انڈسٹری کے معروف اداکار فیروز خان نے اپنی دوسری اہلیہ کے اصل نام اور پیشے سے متعلق انکشاف کردیا۔
گزشتہ ماہ کے آخر میں فیروز خان کی دوسری شادی کی خبریں سامنے آئی تھیں، اس خبر نے پاکستان سمیت بھارت میں بھی تہلکہ مچا دیا تھا۔
اب فیروز خان نے خود اپنی دوسری اہلیہ کا اصل نام بتا دیا ہے، اداکار نے اپنے آفیشل انسٹاگرام ہینڈل پر اہلیہ کے ہمراہ نئی تصویر پوسٹ کی۔
فیروز خان نے تصویر کے کیپشن میں مداحوں کو جمعے کی مبارکباد دی اور ساتھ ہی اہلیہ سے اپنی محبت کا اظہار بھی کیا۔
فیروز خان کی دوسری اہلیہ کا اصل نام اور پیشہ سامنے آگیا
اُنہوں نے اپنی پوسٹ کے کیپشن میں چند ہیش ٹیگز کا بھی استعمال بھی کیا جن میں اُن کی دوسری اہلیہ کے نام کا ہیش ٹیگ بھی شامل تھا۔
ہیش ٹیگ کے مطابق فیروز خان کی دوسری اہلیہ کا نام زینب ہے اور وہ پیشے کے لحاظ سے ماہرِ نفسیات (سائیکالوجسٹ) ہیں۔
اداکار کے انسٹاگرام ہینڈل کی فالوونگ لِسٹ میں بھی اُن کی دوسری اہلیہ ڈاکٹر زینب کا اکاؤنٹ موجود ہے لیکن اُنہوں نے اپنا اکاؤنٹ پرائیوٹ کیا ہوا ہے۔
واضح رہے کہ فیروز خان کی پہلی شادی 2018 میں علیزے سلطان کے ساتھ ہوئی تھی، اس جوڑے کے ہاں 2019 میں پہلے بیٹے سلطان جبکہ فروری 2022 میں بیٹی فاطمہ کی پیدائش ہوئی تھی۔