شوہر کے گھر نہیں رہتی: صنم جنگ کا انکشاف
لاہور(آواز نیوز)میزبان و اداکارہ صنم جنگ نے شادی کے بعد اپنی زندگی میں آنے والی تبدیلی کے بارے میں اہم انکشاف کر دیا۔انہوں نے حال ہی میں نجی ٹی وی کے شو میں شرکت کی جہاں انہوں نے نجی زندگی سے جڑے کئی ایک سوالات کے دلچسپ انداز میں جوابات دئیے۔
ان سے دوران شو میزبان کی جانب سے سوال کیا گیا کہ شادی کے بعد آپ کی زندگی میں کیا تبدیلی آئی؟جس پر انہوں نے کہا کہ میری زندگی میں شادی کے بعد کوئی تبدیلی نہیں آئی، مجھے ایسا محسوس بھی نہیں ہوتا کہ میری شادی ہو گئی ہے کیونکہ میں شادی کے بعد بھی اپنے والدین کے گھر پر ہی رہتی ہوں۔
غنا علی نے شادی کے بعد سسرال سے لڑائی کی وجہ بتا دی
انہوں نے کہا کہ ہاں ایک چیز جس کا مجھے شادی کے بعد احساس ہوا کہ اس بندھن میں بندھنے سے پہلے تو یوں لگتا تھا کہ میرے گھر پر سب کام جادوئی طریقے سے ہوجاتے ہیں، کچھ بھی خود نہیں کرنا پڑتا تھا لیکن اب اگر گھر کا اے سی بھی خراب ہو جائے تو اسے ٹھیک کروانے کے لیے خود کال کرکے کسی کو بلانا پڑتا ہے۔
ان کا کہنا تھا کہ میں کافی خوش قسمت رہی ہوں کہ مجھے شادی کے بعد بھی اپنے والدین کے ساتھ رہنے کا موقع ملا اور ابھی تک کسی بڑی تبدیلی سے نہیں گزری۔
واضح رہے کہ اداکارہ صنم جنگ نے سید عبدالقسام جعفری نامی لڑکے سے 2016ء میں شادی کی تھی، اب ان کی ایک بیٹی بھی ہے جس کا نام الایا جعفری ہے۔
