کشمیر

بی جے پی مقبوضہ کشمیر کی صورتحال کنٹرول کرنے میں ناکام ہو گئی ہے ، محبوبہ مفتی

سرینگر(آواز نیوز)غیر قانونی طور پر بھارت کے زیر قبضہ جموں و کشمیر میں پیپلز ڈیموکریٹک پارٹی کی سربراہ محبوبہ مفتی نے کہا ہے کہ بھارتیہ جنتا پارٹی کی حکومت جموں و کشمیر کی سنگین صورتحال کو کنٹرول کرنے میں نا کام رہی ہے اور اب برادریوں کے درمیان اختلافات کو مزید ہوا دینے کیلئے مقامی لوگوں کو مسلح کر رہی ہے۔

کشمیرمیڈیاسروس کے مطابق محبوبہ مفتی نے اسلام آباد میں صحافیوں سے گفتگو کرتے ہوئے کہاکہ بی جے پی اپنے ہندوتوا ایجنڈے کو پورا کرنے کیلئے لوگوں کومسلح کررہی ہے تاکہ مقبوضہ علاقے میں خوف ودہشت اور نفرت کا ماحول پیدا کیا جاسکے اور کمیونٹیز کو دوسرے سے لڑایا جاسکے ۔

کنٹرول لائن کے دونوں جانب اور دنیا بھر میں مقیم کشمیری کل یوم حق خود ارادیت منائیں گے

انہوں نے کہا کہ راجوری حملے کے بعددیہات دفاع کمیٹیوںکو اسلحہ اور گولہ بارود فراہم کرنے سے بی جے پی کے دعوے بے نقاب ہو گئے ہیں کہ دفعہ 370کی منسوخی کے بعد مقبوضہ کشمیر میں صورتحال بہتر ہو گئی ہے ۔

محبوبہ مفتی نے مزید کہاکہ اگر مقبوضہ علاقے میں حالات ٹھیک ہیں تو پھر مزید فوج کیوں بلائی جا رہی ہے اور مقامی لوگوں کو ہتھیار کیوں دیئے جا رہے ہیں۔

انہوں نے کہا کہ اس کا مطلب یہی ہے کہ بی جے پی جموں وکشمیر کی صورتحال کو کنٹرول کرنے میں بری طرح ناکام رہی ہے۔

Mehbooba Mufti News About BJP | Kashmir News in Urdu | Mehbooba Mufti Says Elections Can’t Solve Kashmir Issue, Calls For Dialogue With Pakistan.

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
%d bloggers like this: