اتحادی حکومت کا آئینی مدت مکمل کرنے کا فیصلہ

اسلام آباد (آواز نیوز) اتحادی حکومت نے اگست 2023 تک آئینی مدت مکمل کرنے کا فیصلہ کرلیا جبکہ وزیراعظم شہبازشریف نے اتحادیوں کو یقین دلایا ہے کہ کوئی غیریقینی نہیں ہے ہم مدت مکمل کریں گے ،ڈی چوک پر کسی کو نہیں آنے دیں گے۔

ذرائع کے مطابق وزیراعظم کی زیرصدارت اتحادیوں کا اہم اجلاس ہوا جس میں حکومت نے اگست 2023 تک آئینی مدت مکمل کرنے کا فیصلہ کیا ہے۔

ذرائع کے مطابق وزیراعظم نے آئی ایم ایف سے مذاکرات، پیٹرولیم مصنوعات کی قیمتوں میں اضافے اور دیگر امور پر اتحادیوں کو اعتماد میں لیا۔

اتحادیوں نے وزیراعظم کو مشورہ دیا کہ غیریقینی صورتحال سے ملک کو نکالا جائے جس پر وزیراعظم نے یقین دلایا کہ سب کو بتادیں کوئی غیریقینی نہیں مدت مکمل کریں گے۔

وزیراعظم نے واضح کیا کہ دباو میں آکر کوئی انتخابات نہیں ہوں گے اور ڈی چوک پر بھی کسی کو دھرنا نہیں دینے دیں گے، عمران خان6 دن بعد آئیں اور مختص جگہ پراحتجاج کا شوق پورا کرلیں۔

شہبازشریف نے امید دلایا کہ دسمبریاجنوری تک حکومتی پالیسیوں کے ثمرات سامنے آئیں گے ،وقت آگیا ہے تصادم کے بجائے ملک کیلئے کام کریں۔

وزیراعلی حمزہ شہباز نے پتوکی میں ڈاکوﺅ ں کی لڑکی سے زیادتی کے واقعہ کا نوٹس لے لیا

ذرائع کے مطابق اجلاس میں وزیراعظم نے کہا کہ کسی جتھے کی بلیک میلنگ میں نہیں آئیں گے، ماضی میں جو وقت

ضائع ہوگیا مزید وقت ضائع نہیں کرنا چاہتے،ملک کی معاشی صورتحال میں استحکام پیدا کرنے کی کوشش کریں گے۔اجلاس میں موٹر سائیکل اور رکشہ والوں کو ریلیف پیکج دینے کا فیصلہ کیا گیا۔

موٹر سائیکل اور رکشہ والوں کو پیکج بی آئی ایس پی اسکیم کے ذریعے رعایت دی جائے گی۔

ذرائع کے مطابق ٹارگیٹڈ سبسڈی میں موٹرسائیکل، رکشا اور 800 سی سی تک گاڑیوں کو ریلیف دیاجائےگا، پیٹرولیم مصنوعات کی قیمتوں میں ٹارگیٹڈ سبسڈی کے ذریعے سوا کروڑ لوگ مستفید ہوں گے، پیٹرولیم مصنوعات کی قیمتوں میں ٹارگیٹڈ سبسڈی بے نظیر انکم سپورٹ پروگرام (بی آئی ایس پی) کے ذریعے دی جائے گی۔