اسلام آباد (آواز نیوز)وزیراعظم کی معاون خصوصی مشعال ملک نے کہا ہے کہ جب بھی مقبوضہ کشمیر کے لوگ پاکستان کرکٹ ٹیم کو سپورٹ کرتے ہیں بھارت مظالم شروع کر دیتا ہے۔
میڈیا سے گفتگو میں مشعال ملک نے کہا کہ ہم پاکستانی عوام کے ساتھ ہیں، ہم ہرصورت میں پاکستان کو سپورٹ کریں گے، پراپیگنڈا بھارت کی پرانی عادت ہے، بھارت کے جھوٹے پراپیگنڈے پاکستان کیخلاف چلتے آرہے ہیں، جب بھی کشمیر کی بات ہو یہ پراپیگنڈے کرنا شروع کر دیتے ہیں۔
معاون خصوصی نے کہا کہ مقبوضہ کشمیر کے لوگوں کو کسی بھی شعبے میں شامل نہیں کیاجاتا، نہ پاسپورٹ جاری کئے جاتے ہیں، جب بھی انڈیا پاکستان کا میچ ہوتا ہے اس موقع پر جب بھی مقبوضہ کشمیر کے لوگ پاکستان کو سپورٹ کرتے ہیں ان پر ظلم شروع کر دیا جاتا ہے، مقبوضہ کشمیر کے بچوں کو تعلیم حاصل کرنے میں بھی شدید مشکلات کاسامنا ہے۔
اسلام آباد (آواز نیوز) وزیر اعظم کی معاون خصوصی برائے انسانی حقوق مشعال حسین ملک نے کہا ہے کہ نریندر مودی کی زیر قیادت
فسطائی بھارتی حکومت نے بھارت کے غیر قانونی زیر قبضہ جموںو کشمیر میں اختلافی آوازوں کو دبانے کیلئے ریاستی دہشت گردی کی تمام حدیں پار کر دی ہیں تاہم وہ تحریک آزادی کے شعلوں کو بجھانے میں بری طرح ناکام ہے ۔
کشمیر میڈیا سروس کے مطابق مشعال حسین ملک نے ان خیالات کا اظہار جموںوکشمیر سیلف ڈٹرمینیشن مومنٹ انٹرنیشنل کے چیئرمین راجہ نجات حسین کے ساتھ گفتگو کرتے ہوئے کیا جنہوں اسلام آبادمیں ان سے ملاقات کی۔ مشعال حسین ملک نے کہا کہ بھارت کا جنگی جنون مسلسل بڑھتا جا رہا ہے۔
جسکی وجہ سے یہ پورا خطہ مسلسل غیر یقینی صورتحال کا شکار ہے۔ انہوںنے کہا کہ عالمی برادری کو غیر ذمہ دارانہ اور ہٹ دھرمی پر مبنی بھارتی رویے کا نوٹس لینا چاہیے ۔
انہوں نے کہا کہ مقبوضہ کشمیر میں 10 لاکھ سے زائد بھارتی فورسز اہلکاروں نے کشمیریوںکا جینا دو بھر کر رکھا ہے جبکہ عالمی برادری کی مجرمانہ خاموشی کی وجہ سے بھارت کو نہتے کشمیریوں پر مظالم کی شہ مل رہی ہے۔
انہوں نے کہاکہ عالمی برادری کو تیسری دنیا کی دو ایٹمی طاقتوں کو ان کے حال پر چھوڑنے کے بجائے مسئلہ کشمیر کے حل کے لیے موثر انداز میں اپنا کردار ادا کرنا چاہیے۔مشعال ملک نے کہا کہ بھارت نے ان کے شوہر محمد یاسین ملک سمیت بیشتر حریت رہنماوں کو غیر قانونی بھارتی قبضے کے خلاف آواز اٹھانے پر غیر قانونی طور پر قید کر رکھا ہے ۔
راجہ نجابت حسین نے مشعال حسین ملک کو وزیراعظم پاکستان کی معاون خصوصی برائے انسانی حقوق مقرر ہونے پر مبارکباد دی۔
انہوں نے کہا کہ مسئلہ کشمیر کو دنیا بھر میں اجاگر کرنے کے لئے تارکین وطن کشمیری اہم کردار ادا کر رہے ہیں۔انہوں نے کہا کہ آج مسئلہ کشمیر کی وجہ سے پوری دنیا کا امن داﺅ پر لگا ہوا ہے۔
راجہ نجابت حسین نے کہا کہ انکی تنظیم برطانیہ، یورپ، پاکستان اور آزاد کشمیر میں کانفرنسز، سیمینار وغیرہ منعقد کر کے کشمیریوں پر ڈھائے جانے والے بھارتی مظالم کا پردہ چاک کر رہی ہے۔
انہوںنے کہا کہ سیلف ڈٹرمینیشن موﺅمنٹ انٹرنیشنل محمد یاسین ملک اور دیگر اسیر حریت قائدین کی رہائی کے لئے بھی اپنی کوششیں تیز
اسلام آباد (آواز نیوز) مودی کی فسطائی حکومت کے دور میں بھارت مسلمانوں کے لیے ایک خطرناک ملک بن گیاہے جہاں وہ ہندوتوا غنڈوں کے ظلم و تشددکامسلسل نشانہ بن رہے ہیں۔
کشمیر میڈیا سروس کی طرف سے آج جاری کی گئی ایک رپورٹ میں کہا گیا ہے کہ مودی کے بھارت میں برسر اقتدارآنے کے بعد سے مسلمانوں پر ظلم وتشدد میں تیزی سے اضافہ ہوا ہے اور انہیں دھمکیاں دی جا رہی ہیں، ہراساں کیا جا رہا ہے اور ان پر حملے جاری ہیں۔
بھارت میں آر ایس ایس کی حمایت یافتہ بھارتیہ جنتا پارٹی کی حکومت کے دور میں مسلم مخالف جذبات میں اضافہ ہوا ہے ۔ مودی حکومت بھارت میں ہندو بالادستی کو فروغ دے رہی ہے اور زندگی کے تمام شعبوں میں مسلمانوں کے ساتھ امتیازی سلوک روا رکھا جا رہا ہے۔
رپورٹ میں مزیدکہا گیا ہے کہ بھارت میں اسلامو فوبیا نے انتہائی مہلک شکل اختیار کر لی ہے اورہندوتوالیڈر کھلے عام مسلمانوں کے قتل عام کے اعلانات اور ان کے ہتھیاروں کے استعمال کا مطالبہ کر رہے ہیں۔ ماہرین نے بھارت میں مسلمانوں کی نسل کشی کے بارے میں خبردار کیا ہے۔
رپورٹ کے مطابق بھارت میں مسلمانوں پر بڑھتے ہوئے حملے عالمی برادری کے لیے ایک چیلنج ہے اور اقوام متحدہ سمیت عالمی برادری کو بھارت میں مسلمانوں کے خلاف نفرت پر مبنی جرائم رکوانے کے لیے فوری اقدامات کرنے چاہیں۔
نئی دہلی(آواز نیوز)اقوام متحدہ کے ماہرین نے بھارت کے دور دراز شمال مشرقی علاقوں میں پرتشدد جھڑپوں کے دوران جنسی تشدد سمیت انسانی حقوق کی سنگین خلاف ورزیوں کو رکوانے میں بھارتی حکومت کے غیر مناسب ردعمل پر کڑی تنقید کی ہے۔
کشمیرمیڈیاسروس کے مطابق اقوام متحدہ کے ماہرین نے ایک بیان میں ریاست منی پور میں جنسی تشدد اور نفرت انگیز تقاریرسمیت پر تشدد جھڑپوں کو رکوانے کے لیے قانون نافذ کرنے والے اداروں سمیت بھارتی حکومت کے بظاہر سست اور غیر مناسب ردعمل پر شدید تحفظات کااظہار کیا ہے۔
عالمی ادارے کے انسانی حقوق کے تقریبا 20 آزاد ماہرین نے جن میں خواتین اور لڑکیوں کے خلاف تشدد سے متعلق خصوصی نمائندے بھی شامل ہیں،رواں سال مئی میں ریاست منی پور میں شروع ہو نے والی پرتشددجھڑپوں کے بعد رپورٹ ہونے والی زیادتیوں پر شدیدردعمل ظاہر کیاہے۔
اطلاعات کے مطابق اگست کے وسط تک منی پور میں پر تشدد جھڑپوں کے دوران تقریبا 160افراد ہلاک اور 300 سے زائدزخمی اورلاکھوں لوگ بے گھر ہوگئے جبکہ ہزاروں مکانوں اور سینکڑوں گرجا گھروں کو نذر آتش کردیاگیاتھا۔ماہرین نے کہاکہ منی پور میں ہر عمر کی خواتین اور لڑکیوں خاص طور پر کوکی برادری سے تعلق رکھنے والی خواتین کوجنسی بنیاد پر تشددکا نشانہ بنایاگیا۔
انہوں نے کہا کہ مبینہ تشدد میں اجتماعی آبروریزی ، خواتین کو سڑکوں پر برہنہ گھمانے ،وحشیانہ تشدداور انہیں زندہ جلانے جیسے گھناﺅنے واقعات شامل ہیں۔ماہرین نے جن کا تقرر اقوام متحدہ کی انسانی حقوق کونسل کی طرف سے کیا گیا ہے خاص طور پر تشویش کااظہار کیاکہ ایسا لگتا ہے کہ تشدد سے پہلے نفرت انگیز اور اشتعال انگیز تقریر کے ذریعے لوگوں کو اکسایا گیا۔
انہوں نے کہا کہ اس طرح کی نفرت انگیز تقریر، آن لائن اور آف لائن پھیلائی جاتی ہے۔منی پور کو نسلی بنیادوں پرتقسیم کر دیا گیا ہے، حریف ملیشیا نے مخالف برادری کے ارکان کو باہر رکھنے کے لیے ناکہ بندی کر رکھی ہے۔بھارتی فورسز کے لاکھوں اہلکاروں کو ریاست کے شہروں اور شاہراہوں پر گشت کے لیے تعینات کیاگیا اور پورے منی پور میں کرفیو نافذ اور انٹرنیٹ سروسز معطل رہیں۔
اقوام متحدہ کے ماہرین نے بھارتی حکومت سے مطالبہ کیا ہے کہ وہ متاثرہ افراد کے لیے امدادی سرگرمیاں تیز اور پرتشدد کارروائیوں کی تحقیقات کے لیے بروقت کارروائی کرے۔انہوں نے پرتشدد واقعات میں ملوث عناصر بشمول سرکاری اہلکار جنہوں نے نسلی اور مذہبی منافرت اور تشدد کو بھڑکانے میں مدد اور حوصلہ افزائی کی کے خلاف سخت کارروائی ضرورت پر زور دیا۔
اسلام آباد (آواز نیوز):انسانی حقوق اور خواتین کو بااختیار بنانے کے بارے میں نگران وزیر اعظم کی معاون خصوصی مشعال حسین ملک نے کہا ہے کہ بھارت غیر کشمیریوں کو وادی میں آباد کر کے غیر قانونی بھارتی مقبوضہ جموں و کشمیرکی آبادی کا تناسب تبدیل کرنے کی کوشش کر رہا ہے۔
کشمیریوں کو خاموش کرنے کے لیے طرح طرح کے غیر انسانی حربے استعمال کر رہا ہے۔ ہفتہ کو پی ٹی وی نیوز چینل سے گفتگو کرتے ہوئے انہوں نے کہا کہ کشمیری عوام کئی دہائیوں سے قابض افواج کے مظالم کا سامنا کر رہے ہیں لیکن بھارت سچائی کو دبانے میں ناکام ر ہا ہے۔
انہوں نے کہا کہ کشمیری نوجوانوں اور صحافیوں کی آواز کو خاموش کرنے کے لیے سخت قوانین کا استعمال کیا جا رہا ہے‘انہوں نے کہا کہ عالمی برادری کوآگے بڑھ کرنئی دہلی کو مقبوضہ علاقے میں اس کے جنگی جرائم اور انسانیت کے خلاف جرائم کے لیے جوابدہ ٹھہرانا چاہیے۔
انہوں نے یہ بھی مطالبہ کیا کہ اب وقت آگیا ہے کہ مودی کی زیرقیادت حکومت تمام سیاسی قیدیوں کو فوری طور پر رہا کرے اور کشمیری عوام کو اپنی مرضی کے مطابق قسمت کا فیصلہ کرنے دیں۔
مشعال ملک نے اقوام متحدہ، اسلامی تعاون تنظیم (او آئی سی) اور انسانی حقوق کی بین الاقوامی تنظیموں سے اپیل کی کہ وہ کشمیر میں بھارت کی طرف سے انسانی حقوق کی سنگین خلاف ورزیوں کا نوٹس لیں اور بھارتی ریاستی دہشت گردی کو روکنے کے لیے فوری اور ٹھوس اقدامات کریں۔
سرینگر 01 فروری (کے ایم ایس) بھارت کے غیر قانونی زیرقبضہ جموں و کشمیر میںبھارتی فوجیوں نے اپنی ریاستی دہشت گردی کی مسلسل کارروائیوں کے دوران گزشتہ ماہ جنوری میں دو کم عمر لڑکوں اور ایک خاتون سمیت 10 کشمیریوں کو شہید کیا۔
کشمیر میڈیا سروس کے شعبہ تحقیق کی طرف سے آج جاری کے گئے اعداد و شمار کے مطابق ان میں سے چار نوجوانوں کو دوجعلی مقابلوںمیں شہید کیا گیا۔
ان شہادتوں کے نتیجے تین خواتین بیوہ اور چار بچے یتیم ہو گئے۔ بھارتی فوجیوں ، پیرا ملٹری اور پولیس اہلکاروں کی طرف سے گزشتہ ما ہ پر امن مظاہرین پر طاقت کے وحشیانہ استعمال اور دھماکوں کی وجہ سے 15 نوجوان شدید زخمی ہوئے۔
بھارتی فورسز نے اس عرصے کے دوران گھروںپر چھاپوں کے دوران 137 شہریوں کو گرفتار کیا، جن میں زیادہ تر سیاسی کارکن، طلباءاور عام نوجوان شامل تھے۔
سرینگر28جنوری (کے ایم ایس )کل جماعتی حریت کانفرنس نے کہا ہے کہ نریندر مودی کے زیر قیادت ظالم بھارتی حکومت مقبوضہ جموں و کشمیر میں خاص طور پر اگست 2019میں علاقے کی خصوصی حیثیت کی منسوخی کے بعدبین الاقوامی قوانین کی کھلم کھلاخلاف ورزی کر رہی ہے۔
کشمیرمیڈیاسروس کے مطابق کل جماعتی حریت کانفرنس کی قیادت نے سرینگر میں جاری ایک بیان میں کہا کہ فسطائی حکومت کشمیریوں کی جدوجہد آزادی کو کچلنے کے لیے قتل، اغوا، تشدد اور خواتین کی بے حرمتی سمیت تمام ظالمانہ ہتھکنڈے استعمال کر رہی ہے۔
قیادت نے عالمی برادری کو خبردار کیا کہ بھارتی حکومت کا ہندوتوا ایجنڈا جنوبی ایشیا اور پوری دنیا کے امن کے لیے بڑا خطرہ بن چکاہے کیونکہ بھارتی حکومت نے مقبوضہ علاقے میں ظلم و بربریت کے تمام ریکارڈ توڑ دیے ہیں۔
حریت قیادت نے عالمی برادری پر زور دیا کہ وہ مقبوضہ جموں و کشمیر میں بھارتی جنگی جرائم کی وجہ سے خطے کے امن کو لاحق خطرات کے تدارک کے لیے فوری مداخلت کرے۔
جموں میں سینکڑوں اساتذہ نے بھارتی حکومت کی ملازم دشمن پالیسیوں کے خلاف احتجاجی مظاہرہ کیا۔ اساتذہ شہر میں بھارتیہ جنتا پارٹی کے ہیڈکوارٹر کے باہر جمع ہوئے اور اپنے مطالبات کے حق میں مظاہرہ کیا۔
ضلع بڈگام کے علاقے ہمہامہ میں بھارتی فورسز کی ایک گاڑی نے ایک موٹر سائیکل سوار کو کچل دیا۔ مقبوضہ علاقے میں موجودہ نظام حکومت کے تحت ایسے واقعات میں بے گناہ کشمیریوں کی ہلاکتوں میں اضافہ دیکھا جا رہا ہے۔
دریں اثناء ضلع رام بن کے علاقے بیلی ہوٹ میں ایک ہی خاندان کے چار افراد پراسرار حالت میں اپنے ہی گھر میں مردہ پائے گئے۔چاروں افراد کو اسپتال لے جایا گیا جہاں انہیں مردہ قرار دے دیا گیا۔
یہ بات قابل ذکر ہے کہ بھارتی فوج نے پورے جموں خطے میں ولیج ڈیفنس گارڈز کے نام پر قاتلوں کا ایک گروہ کھڑا کر رکھا ہے۔
کانگریس کے جنرل سیکریٹری جے رام رمیش نے ضلع اسلام آباد کے علاقے کھنہ بل میں ایک پریس کانفرنس سے خطاب کرتے ہوئے کہا کہ بھارت میں ایک غیر اعلانیہ ایمرجنسی نافذ ہے اور عدلیہ کو مودی کے وزیر اعظم دفتر کا حصہ بنانے کی کوشش کی جا رہی ہے۔
ادھر ورلڈ فورم فار پیس اینڈ جسٹس کے چیئرمین ڈاکٹر غلام نبی فائی نے واشنگٹن میں ایک بیان میں کہا کہ بھارت کشمیرکے بارے میں اقوام متحدہ کی سلامتی کونسل کی قراردادوں کی خلاف ورزی کرنے والے ممالک میں سرفہرست ہے۔
انہوں نے کہا کہ بھارت کو جو کشمیری عوام کا اظہاررائے، تقریر ،اجتماع اور سب سے بڑھ کر اپنے سیاسی مستقبل کا فیصلہ کرنے کابنیادی حق سلب کر رہا ہے۔
اقوام متحدہ کی سلامتی کونسل کی رکنیت کا خواب دیکھنے کا کوئی حق نہیں ہے۔
جموں28جنوری(کے ایم ایس) بھارت کے غیر قانونی زیر قبضہ جموںوکشمیر میں اساتذہ نے اپنے مطالبات کے حق میں جموں شہر میں احتجاجی مظاہرہ کیا۔
کشمیر میڈیاسروس کے مطابق بڑی تعداد میں اساتذہ جموں کے علاقے ٹری کوٹہ نگر میں قائم بھاریہ جنتاپارٹی (بی جے پی) کے ہیڈکوارٹر کے باہرجموں ہوئے اور اپنے مطالبات پورے کرنے کا مطالبہ کیا۔
انہوں نے مطالبات کے حق میں نعر ے لگائے ۔ٹیچرز ایسوسی ایشن کے صدر دھیرج راج نے اس موقع پر ذرائع ابلاغ کے نمائندوں کو بتایا کہ ہماری سروس کو چار برس ہوگئے ہیں لیکن ہمیں ابھی تک مستقل نہیں کیا گیا لہذا انتظامیہ ہمیں مستقل کرنے کا اپنا وعدہ پورا کرے۔
انہوں نے کہا کہ 2500 سے زائد اساتذہ اس مسئلے پر سڑکوں پر نکل آئے ہیں لیکن ان کی شکایات پر کان نہیں دھرے جا رہے ۔ انہوں نے کہا کہ ہمیں ماہانہ صرف 4000 روپے مل رہے ہیں اور اتنی معمولی رقم سے اپنے اہلخانہ کی ضروریات پوری کرنا بہت مشکل ہے۔
میکسیکو28 جنوری(کے ایم ایس) ورلڈ فورم فار پیس اینڈ جسٹس کے چیئرمین ڈاکٹر غلام نبی فائی نے کہا ہے۔
کہ بھارت جموں وکشمیر کے بارے میں اقوام متحدہ کی سلامتی کونسل کی قراردادوں پر اس لیے عملدرآمد نہیں کر رہا کیونکہ وہ جانتا ہے کہ کشمیری کبھی بھی اس کے حق میں ووٹ نہیں دیں گے۔
کشمیرمیڈیاسروس کے مطابق ڈاکٹر غلام نبی فائی نے ایک بیان میں کہا کہ ستم ظریفی یہ ہے کہ بائیڈن انتظامیہ بھی بھارت کو سلامتی کونسل کا رکن بنانا چاہے گی۔
جس کی قراردادوں کی وہ مسلسل خلاف ورزی کر رہا ہے۔انہوں نے کہا کہ بھارت نے کشمیریوں کے تمام حقوق سلب کر رکھے ہیں اور نو لاکھ بھارتی فوجیوں نے مقبوضہ علاقے میں قتل و غارت کا بازار گرم کر رکھا ہے۔
انہوں نے انسانی حقوق کی عالمی تنظیموں کی رپورٹس کا حوالہ دیتے ہوئے کہا کہ مقبوضہ علاقے میں خواتین اور بچے بھی بھارتی ریاستی دہشت گردی کا بڑے پیمانے پر شکار ہیں۔
اسلام آباد 28 جنوری(کے ایم ایس)بھارت کے غیر قانونی زیر قبضہ جموں و کشمیرمیں بھارتی ریاستی ریاستی دہشت گردی مسلسل جاری ہے۔
نریندر مودی کی فسطائی بھارتی حکومت نے5اگست 2019کو مقبوضہ علاقے کی خصوصی حیثیت ختم کرنے کے بعد نہتے کشمیریوں پر مظالم میں تیزی لائی ہے۔
کشمیر میڈیا سروس کی جانب سے آج جاری کی گئی یک رپورٹ میں کہا گیا ہے کہ مودی کی فسطائی حکومت کشمیریوں کی جدوجہد آزادی کو دبانے کے لیے ان پر ہر طرح کا جبروستم روا ہوئے ہے۔
رپورٹ میں کہا گیا کہ مقبوضہ علاقے میں بھارتی فوجیوں کی طرف سے روز بے گناہ لوگوں کا قتل، اغوا، تشدد، املاک کی مسماری اور خواتین کے بے حرمتی کے واقعات دیکھنے میں آتے ہیں۔
رپورٹ میں افسوس کا اظہار کیا گیا کہ مودی حکومت کی ہندو توا حکومت نے بھارتی فورسز کو کشمیریوں پر وحشیانہ مظالم ڈھانے کی کھلی چھٹی دے رکھی ہے اور قابض فورسز علاقے میں بڑے پیمانے پر انسانیت کے خلاف جرائم کا ارتکاب کرکے انسانی حقوق کے عالمی اعلامیے کی دھجیاں اڑا رہی ہیں۔
کے ایم ایس رپورٹ میں کہا گیا کہ مودی حکومت اپنے ہندو توا ایجنڈے کو نافذ کرنے کے لیے ہرہتھکنڈہ استعمال کر رہی ہے اور اس کی پالیسیاں جنوبی ایشیا میں امن کے لیے بہت بڑا خطرہ ہیں۔
رپورٹ میں کہا گیاکہ عالمی برادری کو مقبوضہ جموںوکشمیر کی سنگین صورتحال پر خاموش رہنے کے بجائے علاقے میں انسانیت کے خلاف سنگین جرائم پر بھارت کا محاسبہ کرنا چاہیے۔
