شوبز

مینار پاکستان کیس : سوشل میڈیا اسٹار عائشہ اکرم کو گرفتار کرنے حکم

لاہور(آواز نیوز)سیشن عدالت نے مینار پاکستان میں بدسلوکی کیس میں سوشل میڈیا اسٹار عائشہ اکرم کو گرفتار کرکے پیش کرنے کا حکم دے دیا۔

تفصیلات کے مطابق ایڈیشنل سیشن جج عشرت عباس نے مینار پاکستان میں بدسلوکی کیس کی گزشتہ سماعت کا تحریری فیصلہ جاری کردیا۔عدالت نے بطور گواہ پیش نہ ہونے پر عائشہ اکرم کے ورانٹ گرفتاری جاری کیے اور متعلقہ ایس ایچ او کو خاتون سمیت دیگر گواہوں کو گرفتار کرکے پیش کرنے کا حکم دے دیا۔

تحریری فیصلے میں عدالت نے کہا کہ مدعیہ سمیت دیگر گواہوں کو طلب کیا، عدالتی احکامات کو مدعیہ سمیت کسی گواہ نے اہمیت نہیں دی۔ لہذا وارنٹ گرفتاری جاری کیے جاتے ہیں

۔عدالت نے سماعت 5 جنوری تک ملتوی کردی، تھانہ لاری اڈا پولیس نے ٹک ٹاکر عائشہ کی مدعیت میں مقدمہ درج کررکھا ہے۔

لاہور پولیس نے فراڈ کیس میں اداکارہ کو گرفتار کرلیا

یاد رہے گذشتہ ماہ عدالت نے مینار پاکستان پر خاتون عائشہ اکرم سے بدسلوکی کے مقدمے میں ملزمان پر فرد جرم عائد کی تھی تاہم ملزمان نے فرد جرم سے انکار کیا تھا۔

واضح رہے 14 اگست کے روز مینار پاکستان پر عائشہ اکرم کو وہاں موجود 400 افراد کی جانب سے تشدد اور جنسی حملے کا نشانہ بنایا گیا تھا، گریٹر اقبال پارک میں خاتون سے بدتمیزی کامقدمہ تھانہ لاری اڈا مین درج ہے۔

Ayesha Akram News in Urdu | Tiktok News in Urdu | Arrest Warrant For TikToker Ayesha Akram | Speed About Pakistan?| CBA ANGRY | Mrs Umer Akmal On HATE

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button