زارا نور عباس نے شوبز انڈسٹری سے 1 سال کا بریک لے لیا
لاہور(آواز نیوز)پاکستان شوبز انڈسٹری کی معروف اداکارہ زارا نور عباس نے شوبز انسٹری سے ایک سال کا بریک لینے کا اعلان کر دیا۔
زارا نور عباس نے حال ہی میں ایک ویب شو میں شرکت کی جہاں ا±نہوں نے مختلف موضوعات پر دلچسپ گفتگو کی۔
انہوں نے اپنے شوبز کیریئر کے بارے میں بات کرتے ہوئے کہا کہ ابھی کم از کم ایک سال تک تو میں شوبز انڈسٹری سے دور رہوں گی۔
اداکارہ نے بتایا کہ لیکن اس دوران میرا ایک پروجیکٹ جس کی شوٹنگ میں حاملہ ہونے سے قبل مکمل کروا چکی ہوں تو اس دوران جب میں بریک پر ہوں گی تب بھی لوگوں کو اسکرین پر نظر آتی رہوں گی۔
انہوں نے شو میں ایوارڈ شوز کے بارے میں بات کرتے ہوئے کہا کہ تمام ایوارڈ شوز جھوٹے ہوتے ہیں اور مجھے لگتا ہے کہ یہ نہیں ہونے چاہئیں کیونکہ ان شوز سے کوئی فائدہ تو ہوتا نہیں ہے بلاوجہ ہی اتنا پیسہ خرچ کیا جاتا ہے۔
اداکارہ نے کہا کہ ان ایوارڈ شوز میں جو اداکار نہیں جاتے ان کو پتہ ہوتا ہے کہ انہیں ایوارڈ نہیں ملنا ہے اور جو جاتے ہیں ان کو بھی پہلے سے پتہ ہوتا ہے کہ ان کو ایوارڈ ملنا ہے تو اس لیے کسی کو بھی ان ایوارڈ شوز کو سنجیدگی سے نہیں لینا چاہیے۔
انہوں نے ہنستے ہوئے مزید کہا کہ اور اب مجھے یہ بھی لگ رہا ہے کہ میں نے ایوارڈ شوز کی یہ حقیقت بیان کر کے اپنا کیریئر داو پر لگا دیا ہے لیکن خیر کوئی بات نہیں جیت ہمیشہ سچ کی ہی ہوتی ہے۔
ماہرہ خان نے حاملہ ہونے کی خبروں کو بے بنیاد اور جھوٹاقراردیدیا
زارا نور عباس کی یہ بات سننے کے بعد میزبان یاسر حسین نے کہا کہ کوئی بات نہیں آپ تو ویسے بھی ابھی شوبز انڈسٹری سے ایک سال کا بریک لے رہی ہیں تو تب تک کسی کو آپ کی یہ باتیں یاد بھی نہیں رہیں گی۔
یاد رہے کہ اسد صدیقی اور زارا نور عباس بہت جلد اپنے پہلے بچے کا استقبال کرنے والے ہیں اور اسی وجہ سے اداکارہ شوبز انڈسٹری سے عارضی طور پر دوری اختیار کر رہی ہیں۔
واضح رہے کہ اداکار اسد صدیقی اور اداکارہ زارا نور عباس نے دسمبر 2017ءمیں شادی کی تھی۔
