یورپی یونین کی طرف سے روسیوں پر ویزے کی سخت پابندیاں عائد
برلن (آواز نیوز) یوروپی یونین نے روسیوں کے لئے ویزےکی ایسی سخت شرائط عائد کی ہیں جو انسانی ہمدردی سے متعلق امور کے علاوہ ان کے لئے بلاک کے ملکوں میں داخلے کو مشکل اور کچھ صورتوں میں ناممکن بنا دیں گی۔
غیرملکی میڈیا کے مطابق یورپی کمیشن کی طرف سے جاری کردہ تازہ ترین ہدایات کے تحت مختصر قیام کے شینگن ویزوں کے لیے درخواست دینے والے روسیوں کو کہیں زیادہ سخت جانچ پڑتال اور طویل تاخیر کا سامنا ہوگا۔
شینگن ویزے کے خواہشمند روسیوں کو اپنے رہائشی ملک سے درخواست دینے کی ضرورت ہے،انہیں سفر کی شدید ضرورت کی وجہ بتانی ہے، بصورت دیگر ان کی درخواست کو یورپی یونین کے قونصل خانوں میں کم ترجیح دی جائے گی جہاں ویزا پروسیسنگ کے لیے وسائل پہلے ہی کم کر دئیے گئے ہیں۔
ہدایات کے مطابق ان دستاویزات کا انتہائی غور سے جائزہ لیا جائے گا جو یہ ثابت کرتی ہوں کہ ویزہ رکھنے والے روسی 3 ماہ کی مدت سے پہلے شینگن میں شامل علاقہ چھوڑ دیں گے ،اس کے علاوہ سفرکے لئے لازمی ایسا میڈیکل انشورنس قبول نہیں کیا جائے گا۔
جو روس کی کسی بیمہ کمپنی کی طرف سے جاری کیا گیا ہو، اس کے علاوہ یورپی سرحدی محافظوں کو بھی اس سےپہلے جاری کیے جانے والے ویزوں پر نظر ثانی اور تازہ جائزے کے بعد انہیں مسترد یا منسوخ کرنے کا اختیار ہوگا۔
واضح رہے کہ فن لینڈ اپنی سرحد کو مختصر قیام کے شینگن ویزے رکھنے والے روسیوں کے لیے بند کر دیا شینگن ویزے عام طور پر 26یورپی ممالک میں سے کسی میں بھی3 ماہ تک قیام کے لیے، سیاحت کے مقاصد کے لیے جاری کیے جاتے ہیں، جو پاسپورٹ فری زون کہلاتے ہیں۔
بل گیٹس کی برج گیم کے چیمپئن 13 سالہ بھارتی لڑکے کو مبارکباد
یورپی یونین کی داخلہ امور کی کمشنر یلوا جوہانسن نے صحافیوں کو بتایا کہ تازہ ترین اقدام ایک ایسے وقت میں ہمیں درپیش سلامتی کے خطرےکے پیش نظر اٹھایا گیا ہے جب روس یوکرین کے خلاف،جسے یورپی یونین کی بھرپور حمایت حاصل ہے ،اپنی جنگ کو تیز کر رہا ہے ۔
